الماسكرة + تجاربي + طريقة وضعها

السلام عليكم و رحمة الله وبركاتة
رجعتلكم ثاني بموضوع جديد الا وهو الماسكرة سر من اسرار جمال العين >>> تتفلسف الاخت
على العموم الموضوع راح يكون صغير و قصير و مافيه هرج كثير يعني ما راح يجيكم صداع مني
الماسكرة كانت رفيقة عمرة من ما اناصغيرة كنت للخرجات احط كحل و مسكرة و قلوس او روج بس و بعد التطور ههههه بديت احط مكياج كامل >>> ما ادري ليش ذكرت هذه السالفة بس ما عليه
المهم الماسكرة ليها انواع و اشكال
في منها المطولة و المكثفة و الملونه بس انا عمري ما جربت الماسكرة الملونة
انا راح اقلكم تجاربي مع بعض المنتجات ( الماركات) الي حسيتها جابت نتيجة حلوة
يلا نبدا بسم الله
اول ماسكرة مسكرة شانيل
هذة المسكرة مكثفة للرموش فقط غير مطولة بس نتيجتها حلوة حسيتها كأني مركبة رموش
2- مسكرة ysl (yves saint laurent)
هذة الماسكرة ما حصلتها عندنا في المدينة اظن في الرياض و جدة موجودة بس انا طلبتها من امريكا ( فضول مني كنت ابغى اجربها )
هذة المسكرة روعة تكثف و تطول الرموش و توضح اللون حسيت ان رموشي صارت اغمق بشكل مو طبيعي يعني حسيت مو لازم احط شادو بس ترسمي عيونك و الشكل راح يكون بسيط و رائع
يعني انصحكم فيها اذا حصلتوها
3-ماسكرة make up for ever

هذة اشتريتها من محل وجوة بالصدفة و عجبتني بعد هذة الماسكرة تطول و تكثف بشكل ملحوظ وواضح انصحكم فيها اذا كنتي من النوع الي ما تركب الرموش يعني تنفع للمناسبات
4-ماسكرة ميبلين
حلوة بعد انصحكم فيها تطول و تكثف
بس ابغى منكم طلب مين جربت الي لونها زهري او الاخضر نفسي اشتريها بس ابغى اعرف اذا نتائجها زي هذة
4- واخر شئ ماسكرة افون


بصراحة هذة الماسكرة ما جربتها لحد الان تعتبر جديدة امي اشترتها لي من يومين من مندوبة تشتغل في افون و قالت لي امي البنات طايحات على هذة المشكرة بس عملت فيها بحث و شكلها مبشرة اول شئ لها 3 درجات للتطويل و التكثيف ما عليك الا تلفي المكبس الي تحت و تحديدي الطول سعرها 75 ريال
بس شكلها مطمن ان شاء الله اجربها و اقلكم عنها
هذول الي انا جربتهم لحد الان من الماركات المعروفة وتطبعا جربت انواع ثانية بس ما عجبتني مثل هذول للعضوات اذا عندك اي اقتراح او ماركة ثانية ياريت تكتبي عشان العضوات يستفيدو وانا استفيد بعد
[size=32]طريقة وضعها [/size]
اول شئ تبغي اشياء ممكن راح تستغربي منها بس احسها مهمة بالنسبة لي
وهي
مكبس رموش اي نوع
و


قطن اذن استنو شوي و راح تعرفو ليش
و مرايا مكياج او المراية العادية
يلا ذلحين صور طريقه وضعها وبعدين راح اتكلم و اشرح
اول شئ تكبسي رموش ليش عشان راح تعطي شكل الرموش كأنها طالعة لفوق و ملفوفة >>> هااا لا تضحكو في وصفي انا ما عرف اوصف يعني سايروني
1- راح تبدئي تحطي الماسكرة من الاسفل للاعلى
2-تنزلي تحت لحد ما الفوق ينشف شوي و تقومي تحطية من جذور الرموش لحد الاطراف و اذا بقع على جلدك لا تخافي كملي و بعدين اقللك كيف تنظفي المكان من غير ما تحوسي
3- 4 طبعا واضحا رغم اني احس انها ما لها داعي
وهذة صور ثانية

شفتي من الاعلى الاحظ كثير من البنات يدخلو فرشة الماسكرة داخل الرموش و يبدو اللف و هذا غلط نفس الي في الصورة من الاسفل للاعلى
و هذة صورة ثانية
ذلحين خلصتي من الماسكرة و كل شئ اكيد في بقع حولين العين كيف تنظفيها ؟؟؟؟
اول شئ تستني لحد ما تنشف المسكرة و بعدين تاخذي قطن الاذن و تمسحي كذا ما راح تخبصي كثير بس اذا مسحتيها و هي قبل ما تنشف راح تجيبي العيد و اللون الاسود ذا ما راح تقدري تمسحيه
او في طريقة ثانية كمان تستني الماسكرة تنشف في الجلد و بعدين تاخذي منديل مزيل المكياج و تمسحي المنطقة بس
هذا كل الي عندي من ناحية معرفتي بالماسكرة و طريقة وضعها
اي معلومات جديدة عندك من ناحية المنتجات ( الماركات ) و طريقة الوضع عادي اكتبيها عشان الكل يستفيد واي سؤال لي اتفضلي اسألي
يلا مع السلامة اشوف الردود و الاسئلة بعدين

اختكم في الله